Плава Крв

Доколку би ги опишувале вината користејќи ликовна терминологија, Плава Крв е Мона Лиза – кога комбинацијата од сите елементи (читајте грозјето, почвата, времето, и др.) создаваат една енигматична, а воедно прекрасна креација одредена да трае. Плава Крв е безвременска рефлексија на нашите лозови насади. Ова извонредно вино се изразува себеси во комплексните ароми, вкусот и посебно во својата текстура.

Нос

Плава Крв содржи комплексни ароми слични на шумски плодови, богати танини, чоколадо и ликер. Ароми на црвени овошки и бобинки доминираат над носот, префрлувајќи се на капини, цреши и црни рибизли.

Уста

Ова е добро избалансирано вино, нежно, но и моќно истовремено. Танините се мазни и добро интегрирани, а вкусот ги прати аромите, полн, со нежна структура и хармонија.

Завршеток

Елегантно избалансирано! Полуслатката киселост на ова вино обезбедува умерено траен завршеток со карактеристичен џемаст вкус.

Комбинација со Храна

Плава Крв е совршено вино во комбинација со печено месо, свинско, телешко и коктел мешавина од јаки сирења.